TATARI - Est torrada finas ocannu sa rassigna florovivaìstica "Il centro in fiore". Sa manifestatzione est promòvida e coordinada dae sa Comuna de Tàtari e est su resurtadu de un'atzione sinèrgica chi at interessadu, a parte s'amministratzione , finas sa Càmera de Cummèrtziu de Tàtari, sa Confcommercio de su Nord de Sardigna, s'assòtziu Florivivaistas de Confcommercio Nord Sardigna e AIR (Ambiente in Rete). Finas ocannu sa zona biaita de sa ztl de sa tzitade est istada càrriga de birde e de frores. Cunsiderada sa popularidade de sas editziones coladas, sos organizadores ant detzìdidu de andare finas in àteras zonas: sos colores de su beranu ant ocupadu sa pratza de su Duomo, carrera de Carlo Alberto àngulu carrera de Cavour, su cursu Vittòrio Emanuele e pratza Nazàrio Sàuro