TATARI - In s'àmbitu de sas manifestatziones in ocasione de Sa die de sa Sardigna, s'Ufìtziu regionale de sa limba sarda e catalana at ammaniadu unas cantas initziativas in sas iscolas de Tàtari e de s'Alighera.
Martis su 29 de abrile de su 2014 a sas 10 in s'Istitutu Cumprensivu "Monte Rosello Basso" in pratza Sacro Cuore in Tàtari, b'at a èssere sa presentada de duos progetos pro imparare su sardu in oràriu curriculare in sas iscolas, finantziadu comente previdet sa L.R. n.3/2009. Cristiano Bècciu e Juvanna Tuffu ant a fàghere promotzione linguìstica e ant a proietare materiale didàticu multimediale chi est istadu fatu dae su Servìtziu Limba sarda de sa Regione.
In s'Alighera su 30 de abrile de su 2014 a sas 10.30, in s'Istitutu Cumprensivu n.1, in sos locales de Fertìlia, b'at a èssere sa presentada de “Lo català de l’Alguer i Sa Die de sa Sardigna a les escoles” . Finas custu progetu finantziadu dae sa lege 3/ 2009 pertocat sa limba catalana de s'Alighera in sas iscolas in oràriu curricolare. Giuliana Portas at a fàghere promotzione linguìstica e at a ispartzire su materiale in catalanu.