TATARI - Ant a èssere sos pitzinnos de su Primu tzìrculu didàticu San Donato de Tàtari, paris cun su grupu folk Thathari, sos protagonistas de sa serada organizada in pratza de Tola dumìniga su 27 de abrile in ocasione de sa Die de sa Sardigna. Dae sas 5 de borta de die b'ant a èssere ispetàculos musicales e teatrales de sos istudentes minores cun tumbarinos, coreografias e una rètzita. A sero b'at a èssere s'ispetàculu “Sa die de sa Sardigna” paris cun Daniele Monachella. A pustis b'at a èssere “Mialinu e Crapinu”, ispetàculu leadu dae su romanzu “Sos Sinnos” de Michelangelo Pira, realizadu dae sa cumpangia BocheTeatro de Nùgoro, cun mùsicas originales de Giuanne Batista Giordano. At a tancare sa serada sos "Tenores Musserrata" de Ulìana cun su cantu “Sa Die de sa Sardigna". Sa manifestatzione est organizada dae s'Assessoradu a sa Cultura de sa Regione Sardigna, paris cun Exfor e cun su patronadu de sa Comuna de Tàtari.