TATARI - Sa Regione Sardigna pro su 2013 at pagadu a sa Comuna de Tàtari sos agiudos econòmicos pro sos tzitadinos cun patologias particulares: talassèmicos, emofìlicos e oncològicos, nefropàticos e psichiàtricos cunforma a sa lege regionale n. 8/1999 e de s'artìculu 4 de sa lege 9/2004). Sos contributos in totu sunt belle 3 milliones de èuros e ant a èssere partzidos in tres partes: una in su mese de làmpadas, una in su mese de nadale e s'àtera in su mese de freàrgiu de su 2014. S'amministratzione comunale, cun regularidade e antitzipende su dinare at pessadu de dare a sos interessados, pro cobèrrere a manera totale totu sos meses, su contributu chi ispetat a cada benefitziàriu. Finas a oe, sa Regione no at galu dadu noas pro su chi pertocat sos trasferimentos pro su 2014. S'ausèntzia de àteros trasferimentos de dinare dae parte de sa RAS est conditzionende sa gestione de sas resursas dae parte de sa Comuna. Cunsiderende sas dificultades de sos tzitadinos, s'amministratzione comunale est sighende a pagare su mese de ghennàrgiu de su 2014. Pro sos àteros meses de s'annu in cursu at a èssere importante a isetare sa comunicatzione de finantziamentu de sa Regione Sardigna.