TATARI - Est mortu s'iscritore e prèmiu Nobel pro sa literadura Gabriel Garcia Marquez. S'autore de "Cent'anni di solitudine" romanzu de importu de su realismu ispanu americanu. In sas ùrtimas dies sa salude sua fiat meda dìliga. Marquez, o comente medas lu mutiant Gabo, est cunsideradu comente "unu de sos iscritores prus mannos de su 1900". S'iscritore e giornalista colombianu, est s'iscritore in limba ispagnola prus letu a pustis de Miguel de Cervantes (s'autore de Don Chisciotte).

Cun isse sa literadura sudamericana at agatadu sa cussèntzia cuncreta de s'identidade pròpia. Est istadu unu de sos iscritores prus istimados e bortados in totu su mundu: prus de 50 milliones de còpias bèndidas in 36 limbas diferentes. Una de sas òperas suas est istada traduida finas in limba sarda a manera dereta dae s'ispagnolu. E gasi "El coronel no tiene quien le escriba" chi Màrquez at publicadu in su 1961, in su 2011 sa sotziedade editoriale Papiros at publicadu s'editzione "Nemos iscriet a su coronellu". Su libru, bortadu in sardu dae Diegu Corràine, si podet l. Su libru, bortadu in sardu dae Diegu Corràine, si podet lèghere finas in su situ de sa regione sardigna in pdf