ARISTANIS- Unu cunvegnu de artu valore iscientìficu pro fàghere connòschere sa figura de Leonora d'Arbarè, at a èssere organizadu dae s'ISTAR in sas die su 9 e de su 10 de nadale in sa Cattedrale e in s'Ispidale de Sant'Antoni in Aristanis. Sos traballos ant a èssere abertos chenàbura 9 de nadale a sas oras 9.00 dae su sìndigu Guido Tendas, a sìghire sos saludos de Maria Obinu assessora a sa cultura, posca s'arcipiscamu Ignazio Sanna, su Presidente de s'Istar Giovanni Loddo e s'introdùida de Giampaolo Mele, direttore iscientìficu. A borta de die sos traballos ant a sìghire in s'Ispidale de Sant'Antoni dae sas 16.00 a sas 20.00