URI- Sos carabineris de Uri, ant denuntziadu una fèmina de sa bidda, chi a pustis de àere furadu sa posta de su connadu si che fiat leada sa carta de su bancomat cun su codighe pin. Cun sa carta, sa fèmina at comporadu in sas butegas e leadu dinari dae sos isportellos de su bancomat. Su titulare de sa carta, bidu chi dae su contu mancaiat dinari, at presentadu sa denùntzia a sos Carabineris, chi a pustis de àere fatu sos atzertamentos ant denuntziadu sa connada.