ARISTANIS- Su PLUS at bandidu sa gara pro s'affidu de sa Gestione de su Tzentru pro sa famìlia, pro sos afidamentos e adotziones de su Distretu de Aristanis. Sa gara at mòvere dae una base d'asta de 230 mìgia euros. Sa gestione at a durare unu annu. Sas ofertas cherent presentadas intro de sas oras 13 de su 14 de santandria: sa setziada de sa gara s'at a fàghere su 15 a sas oras 9 in sa Palatu Comunale de Aristanis.