MACUMERE (NU)- Chenàbura 21 de santugaine 2016, organizadu dae sa "Confartigianato" de Nùgoro e Ogiastra, at a informare sas impresas chi cherent crèschere e isvilupare. S'addòviu pro sas impresas de su Màrghine e de sa tzitade at à èssere fatu in s'Aula de su Consìgiu de su Munitzìpiu Betzu a sas oras 17.30: su cunvegnu intituladu "Incentivi per le imprese: i nuovi bandi regionali", at a èssere abertu dae sa vitzesìndiga Rossana Ledda, mentras sos argomentos de s'addòviu ant èssere introduidos dae su presidente de sa "Confartigianato" Giuseppe Pireddu.
A sìghire sas relatas de Stefano Mameli (Segretàriu Regionale Confartigianato), Pietro Mazzette (Confartigianato Nùgoro) e dae Elena Cuccu. At a serrare sos traballos Anna Pireddu (de s'Ufìtziu de s'Assessore Regionale a sa Programmatzione).