THINISCOLE (NU)- Aiat dimandadu de minimare sos importos de sas bulletas, ma su giuighe l'at cundennatu a pagare duas bortas s'importu dimandadu dae Abbanoa. Comente fiat capitadu giai in sos tribunales de Casteddu, Tàtari e Tèmpiu, como fintzas in Nùgoro sa sentèntzia non faghet acclarimentos in subra de sas tariffas de su servìtziu cando s'abba no est potabile. Su titulare de un'atividade de Thiniscole, aiat chertadu contra de Abbanoa, dimandende de àere un'iscontu de su 50% pro sas bulletas de sos annos in intre de su 2006 e de su 2013: depiat a Abbanoa 1338,08 Euros, como a pustis de sa cundanna de su giuighe de paghe, depet pagare totu sas bulletas e 900 euros de ispesas legales.