S'ALIGHERA- In sa tzitade catalana sa manifestatzione Monumentos Abertos arribat a sa editzione nùmeru 14. Sas dies de su 7 e de su 8 de maju, torrat sa manifestatzione chi aberit sa tzitade e sos monumentos suos a sos visitatores. Lunis a sas oras 11.00 s'at a fàghere sa cunferèntzia pro sos mèdios informàtivos in sa sala de su Quarter de Santu Micheli. A s'addòviu cun sos mèdios informàtivos ant a partetzipare su sìndigu Màriu Bruno, s'Assessora a sa Cultura Gabriella Esposito e su presidente de sa Fundatzione Meta Pedru Alfonso e sos rappresentantes de su coordinamentu regionale de s'Assòtziu Imago Mundi Onlus.